Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati për kryeministër i PDK-së, Bedri Hamza, ka vazhduar takimet intensive me qytetarët në kuadër të fushatës zgjedhore për zgjedhjet parlamentare të 9 shkurtit. Hamza ka vizituar dy lagje të qytetit të Prizrenit – “Bajram Curri” dhe “Bazhdarhane” – ku është pritur me përkrahje të madhe nga banorët lokalë. Ai ka theksuar rëndësinë e angazhimit të përbashkët për të ndërtuar një të ardhme më të mirë për Kosovën. “Shpresë, entuziazëm dhe angazhim kudo nëpër lagjet e Prizrenit për Kosovën që mundet më mirë. Edhe banorët e lagjeve “Bajram Curri” dhe “Bazhdarhane”, u dhanë përkrahje të madhe projekteve dhe programit tonë për përmirësimin e mirëqenies së qytetarëve në tërë vendin. Fushata jonë i bashkon të gjithë qytetarët, pa marrë parasysh nga vijnë, për të punuar për një të ardhme më të mirë,” ka shkruar Hamza. Fushata e PDK-së po thekson rëndësinë e solidaritetit dhe përfshirjes, duke ofruar një platformë që synon zhvillimin ekonomik dhe përmirësimin e jetesës së qytetarëve në të gjithë Kosovën.
