Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas votimit, kandidati për kryetar të PD, Eduard Selami tha se gara në Partinë Demokratike është e pabarabartë por për të, avantazh është modeli që përfaqëson. “Ky proces i sotëm ka filluar në mënyrë të qetë, të rregullt, dhe siç e kam thënë dhe më përpara, pavarësisht nga pabarazia që ka patur kjo garë, unë mendoj që demokratët e dinë që me votën e tyre të fshehtë të zgjedhin jo thjesht kryetarin, po modelin më të mirë që do i kthejë besimin e shpresën jo vetëm demokratëve po dhe shqiptarëve. Gara e pabarabartë nuk mund të zgjedhë një rezultat klinikisht të drejtë, por ato çka unë humbas në procedura e fitoj në avantazhin që kam modelin. Sot nuk kam asnjë shqetësim apo problem që lidhet me asnjë lloj deformimi të rezultatit, janë thjesht teknike. Pjesëmarrja është e lartë, nga kontaktet që kam, mendoj që bojkoti nuk është gjëja më e mirë për këtë gjë. Unë kam qenë gjithmonë kundër bojkotit dhe nuk e kam pranuar dhe them se bojkoti është gjë e së kaluarës. Jam zhgënjyer nga kolegët e partisë, njerëz me kontribute, demokracia është rreth alternativave”, ka theksuar Selami.
