Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Valdete Idrizi, kandidate e PDK-së për kreun e komunës së Mitrovicës, ka bashkëbiseduar me qytetarët te lagja “Ura e Gjakut” me ç’rast ka theksuar se është personalitet unifikues, që nuk lejon ndarjen. Zonja Idrizi nuk e vë në diskutim fitoren më 19 Nëntorit, ajo ka thënë se cila do të jetë cilësia e fitores. Thelbësore sipas saj, është njohja e programit të saj.
“Në takim me strukturat e PDK-së dhe qytetarët te “Ura e Gjakut”, ritheksova se fitorja nuk është çështje që e bisedojmë për 19 Nëntorin. Çështja është te cilësia e fitores. Thelbësore tash është njohja e qytetarit me programin tonë. Nevojat e kësaj pjese të Mitrovicës janë të mëdha. Ne do t’i prijmë ndryshimit. Sot, jam e lumtur se qytetarët janë unik për ndryshim. Pa dallim, qytetarët i japin të drejtë platformës tonë, për ndaljen e degradimit të mëtejmë të qytetit të krenarisë së Kosovës. Kurrë më shumë se sot nuk jam e motivuar për fitore, për fitoren e projektit për cilësi të jetës së qytetarëve pa dallim, më shumë punë, më shumë perspektivë për qytetarët tanë.Bashkëbisedimi me qytetarët ishte shumë i frytshëm, sepse, secili që diskutoi kishte besim se ne jemi dryshimi. Po, ne jemi ndryshimi në Mitrovicë!”, ka shkruar ajo në rrjetin social.
