Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Veprimtarja për të drejtat e njeriut në Serbi, Natasha Kandiq, ka paralajmëruar ankesë në Gjykatën Evropiane për të Drejtat e Njeriut. Ajo do të ankohet ndaj vendimit skandaloz të Gjykatës Themelore në Beograd, e cila shqiptoi për të një gjobë prej 4.400 eurosh si dëmshpërblim për gjoja cenimin e nderit dhe dinjitetit të shefit të Shtabit të Përgjithshëm të Ushtrisë Serbe, gjeneralit Lubisha Dikoviq. Pavarësisht që aktivistja, Kandiq kishte paraqitur fakte që e implikojnë kreun e ushtrisë serbe në krimet e kryera kundër shqiptarëve, prokurorët serbë nuk nisën ndonjë rast ndaj tij, madje edhe kryeministri, Vuçiq doli në mbështetje të gjeneralit serb. “Fondi për të Drejtën Humanitare do të ankohet. Nëse edhe pas ankesës, Gjykata Themelore në Beograd konfirmon vendimin, atëherë ekziston hapësirë për Gjykatën Evropiane për të Drejtat e Njeriut (në Strasburg). OJQ’të dhe shoqëria civile synojnë të rrisin pragun e lirisë së shprehjes”, citohet të ketë thënë Kandiq për Radion ‘Evropa e Lirë’.
