Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kanë nisur punimet në kuadër të projektit për zgjerimin dhe pastrimin e shtratit të Lumit “Klina”, një nga projektet kapitale më të rëndësishmit sa i takon ambientit dhe problemeve me të cilat komuna e Skenderajt u përballë pas vërshimeve të janarit të këtij viti. Kryetari i Komunës së Skenderajt, Fadil Nura, drejtori për Urbanizëm dhe Mbrojtje të Ambientit, Driton Mulaj, bashkë me përfaqësuesit e fshatit Arbër Geci, anëtarët e Kuvendit Besart Rrecaj e Avdullah Geci si dhe banorët vendës, kanë qenë të pranishëm në fillimin e realizimit të projektit, i cili ka nisur afër xhamisë së fshatit Llaushë, ku do të trajtohen fillimisht dy degëzimet e fshatit, për të vazhduar faza tjetër që do të përfshijë shtratin nga Klina e Mesme deri në Kuqicë. Qeverisja komunale në Skenderaj i ka dhënë prioritet rregullimit të shtratit të lumit të vetëm që ka, sikundër përgjigje e nevojshme e problemit të kamotshëm të vërshimeve, nga të cilat pësuan dëme të konsiderueshme më 19 janar të këtij viti.
