Kanë qëndruar për një vizitë në Radion Kosova e Lirë dhe në Televizionin Dielli, ish-ministrja e Arsimit e Republikës popullore Socialiste të Shqipërisë, veprimtarja dhe studiuesja, Tefta Cami- Cani, pastaj zonja, Izmina Haxhiu dhe ushtaraku, Ndue Dodaj, të cilët u mirëpriten nga drejtori i Radios, Ahmet Qeriqi, dhe stafi. Ndërkohë, Tefta Cami-Cani, Izmina Haxhiu dhe Ndue Dodaj, gjatë qëndrimit të sotëm në Radion Kosova e Lirë, janë takuar dhe kanë biseduar edhe me veprimtarët e miqtë e tyre: Hydajet Hyseni, Binak Ulaj, Ergon Jusuf Gërvalla, Isuf Ismajli, Ismet Sylejmani, Ibrahim Kadriu, Meliha Jaka, Edi Shukriu, e të tjerë. Mysafirët nga Shqipëria shtruan nevojën e bashkëpunimit të gjithanshëm të Kosovës me Shqipërinë, me qëllim të integrimit të brendshëm kombëtar në të gjitha fushat.
![Kanë qëndruar për një vizitë në Radion Kosova e lirë dhe Televizionin Dielli, Tefta Cami- Cani, Izmina Haxhiu dhe Ndue Dodaj](https://www.radiokosovaelire.com/wp-content/uploads/1-14-660x330.jpg)