Kastrati drejtuar veteranëve: Ju jeni historia dhe themeluesit e shtetit të Kosovës

30/12/2024 Institucionet

Organizuar nga dega e Organizatës së Veteranëve të Luftës (OVL) të UÇK-së në Malishevë, u shënua 30 Dhjetori – Dita e Veteranit. Në këtë ngjarje të rëndësishme mori pjesë edhe kryetari i Komunës së Malishevës, Ekrem Kastrati, i cili vlerësoi lartë veprën dhe sakrificën e veteranëve të luftës së lavdishme të UÇK-së, luftë që solli lirinë dhe shtetësinë e Kosovës.

Tubimin e hapi kryetari i veteranëve të Malishevës, Metush Kryeziu. Ai theksoi se megjithëse shumë veteranë jetojnë në kushte të rënda, krenaria dhe sakrifica e tyre mbeten të pashlyeshme. Kryeziu nënvizoi se asnjë situatë nuk mund të mohojë kontributin e jashtëzakonshëm të secilit veteran.

Kryetari Kastrati, duke iu drejtuar të pranishmëve, deklaroi: “Secili prej jush jeni kapitull i shtetësisë dhe pavarësisë. Kjo vlerë është forca më e madhe për të ruajtur shtetësinë.” Ai shtoi se trashëgimia e veteranëve do të kujtohet me krenari brez pas brezi, duke e cilësuar atë si bazamentin e pashlyeshëm të shtetësisë. Në fjalën e tij, Kastrati ndau gjithashtu një moment personal, duke kujtuar periudhën kur ishte i burgosur gjatë luftës, dhe shprehu mirënjohje të përhershme ndaj veteranëve të UÇK-së për sakrificën e tyre, që ndikoi edhe në lirimin e tij të parakohshëm nga burgu.

Në përmbyllje të ceremonisë, dega e OVL të UÇK-së në Malishevë ndau rreth 130 mirënjohje për veteranët e luftës nga Komuna e Malishevës dhe për ata që kanë kontribuar në luftimet brenda territorit të kësaj komune, duke mbajtur gjallë kujtimin dhe respektin për luftën e lavdishme të UÇK-së.

Kontrolloni gjithashtu

Koncerti i jashtëzakonshëm nga AVK “Deçani” me muzikë dhe valle të traditave tona

Ansambli i Valleve dhe Këngës “Deçani” mbajti një koncert të jashtëzakonshëm për nder të festave …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara