Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Instituti Demokratik i Kosovës, ka mbajtur sot një tryezë diskutimi ku u prezantua Raporti i dytë i monitorimit mbi zbatimin e zotimeve të Kosovës në kuadër të Procesit të Berlinit. Violeta Haxholli nga KDI theksoi se raporti ka identifikuar sfidat në zbatimin e këtyre zotimeve dhe sugjeron hapa konkretë për zbatimin efektiv. Në diskutim morën pjesë deputetët e Komisionit për Integrim Evropian, ku kryetarja Rrezarta Krasniqi nga LDK kritikoi qeverinë për mungesën e transparencës dhe vendimet e pakoordinuara, ndërsa deputetja e LVV-së, Fjolla Ujkani, vuri theksin te përparimet e Kosovës në këtë proces. Deputetja Blerta Deliu-Kodra nga PDK paralajmëroi për rrezikun e përjashtimit të Kosovës nga procesi, ndërsa Time Kadrijaj nga AAK bëri thirrje për unitet dhe përfshirje më të madhe parlamentare në këtë proces të rëndësishëm për integrimin evropian të vendit.
