Nga Qeveria Kurti janë duke u kërkuar sqarime se përse ju jepen paga pjesëtarëve të organizatave që i ka shpallur terroriste!? Kosovapres njofton rreth 800 mijë ka shpenzuar shteti vitin e kaluar për të paguar pjesëtarë të “Mbrojtjes Civile”. Serbët e sistemuar në institucione të Kosovës bazuar në marrëveshjen e Brukselit, po vazhdojnë të paguhen edhe pse nuk shkojnë në punë. 129 serbë të kësaj organizate, e cila është shpallur terroriste nga Qeveria, janë paguar për çdo muaj vitin paraprak. Opozita po e konsideron skandaloze këtë gjendje, ndërkaq ekspertë të sigurisë thonë se Qeveria do të duhej të verifikonte listat e punonjësve. Nga Qeveria nuk kanë kthyer përgjigje, nëse pagesa të tilla po vazhdojnë edhe gjatë këtij viti. Zyra Kombëtare e Auditimit i ka thënë KosovaPress-it se janë 129 persona të punësuar, bazuar në marrëveshjen e Brukselit të vitit 2013. Në përgjigjen me shkrim bëhet e ditur se të gjithë këta punonjës janë të organizatës terroriste “Mbrojtja Civile”. Përpos “Mbrojtjes Civile” (Civilna Zasita), Qeveria e Kosovës ka shpallur terroriste edhe organizatën “Brigada e Veriut” (Severna Brigada), shkruan Kosovapres.
![Pagat më të larta të vendit do t’ i ketë treshja: Vjosa Osmani, Albin Kurti dhe Glauk Konjufca më të ulëtat, shërbyesit civilë](https://www.radiokosovaelire.com/wp-content/uploads/qeveria-kurti-2-600x360-1-600x330.jpg)