Këshilli i Bashkësisë Islame në Malishevë, ndihmon nxënësit me çanta dhe pajisje tjera shkollore

17/09/2020 Institucionet

Me rastin e fillimit të vitit të ri shkollorë, Këshilli i Bashkësisë Islame në Malishevë, përmes shoqatës së saj “Bereqeti”, i kanë dhuruar një donacion prej 30 çantave për nxënësit e Shkollës Fillore dhe të Mesme të Ulët “Ibrahim Mazreku” në Malishevë. Çantat janë të pajisura edhe me fletore, lapsa, ngjyra dhe pajisje tjera për lëndën e matematikës. Këshilli i Bashkësisë Islame në Malishevë, i drejtuar nga kryetari i saj, Hoxhë Sead Paçarizi, i shoqëruar edhe nga zyrtarët tjerë, janë pritur fillimisht nga drejtori i Drejtorisë për Arsim dhe Edukim në Malishevë, Blerim Thaçi, e më pas së bashku ja kanë dorëzuar donacionin drejtoreshës së SHFMU “ Ibrahim Mazreku” në Malishevë, Rrezarta Mazreku-Kastrati. Kryetari i Këshillit të Bashkësisë Islame në Malishevë, Hoxhë Sead Paçarizi, ka bërë të ditur se përmes shoqatës “Bereqeti”, kanë filluar një aksion për grumbullimin e donacioneve për nxënësit e shkollave të Komunës së Malishevës dhe ky aksion ka hasur në mirëkuptim tek të gjithë njerëzit e vullnetit të mirë. “Sot po i japim 30 çanta të kompletuara për nxënësit e shkollës në Malishevë dhe aksioni do të vazhdoj në shkollat tjera”, ka thënë Hoxhë Sead Paçarizi. Drejtori Blerim Thaçi e ka falënderuar Këshillin e Bashkësisë Islame në Malishevë për këtë donacion dhe për bashkëpunimin e mirë me drejtorinë që ai drejton. Ndërsa edhe drejtoresha e SHFMU “Ibrahim MAzreku”, Rrezarta Mazreku-Kastrati, e ka falënderuar KBI në Malishevë, për këtë donacion, që sipas saj, “është shumë domethënës për shkollën, nxënësit dhe prindërit”.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara