Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Konkluzat e Këshillit të Ministrave të Bashkimit Evropian për Kosovën, në asnjë pikë nuk pajtohen me praktikat qeverisëse të Qeverisë Haradinaj. Vendimi lidhur me propozimin për liberalizimin e vizave është duke u shqyrtuar aktualisht nga Këshilli, ndërsa “përmbyllja pa shtyrje të mëtejshme të marrëveshjes me Serbinë, me ndërmjetësimin e BE-së është qenësore që Kosova dhe Serbia të lëvizin në shtigjet evropiane”. Këshilli kërkon që taksa 100 për qind ndaj mallrave të Serbisë të hiqet menjëherë”. Në trembëdhjetë nga katërmbëdhjetë pikat të cilat i ka miratuar Këshilli, kërkohet ndryshim – qoftë një dinamikë e re, qoftë një pozicion ndryshe nga ai që aktualisht mban Qeveria e Kosovës. Pra, kërkohet që Qeveria e Kosovës t’i adresojë ndryshe problemet. Kritikat e Këshillit të Ministrave janë veçanërisht të ashpra për taksën ndaj produkteve me origjinë nga Serbia dhe Bosnja e Hercegovina, për punësimet e njerëzve me precedentë penalë, për mos implementimin e Asociacionit, për mos hapjen e Urës së Mitrovicës, dhe për mënyrën si po trajtohet Gjykata Speciale.
