Këshilli Komunal për Siguri në Bashkësi mbanë mbledhjen e rregullt për muajin Tetor

30/10/2020 Institucionet

Këshilli Komunal për Siguri në Bashkësi e komunës së Hanit të Elezit mbanë mbledhjen e rregullt për Muajin Tetor.

Këshilli për rend të ditës shqyrtoi:

  1. Miratimi i procesverbalit nga mbledhja e kaluar.

  2. Informatë mbi sigurinë ne komunën e Hanit te Elezit.

  3. Informatë për Pandeminë Covid-19 në Komunën e Hanit të Elezit

  4. Të ndryshme.

Në takimin të cilin e kryesoi Kryetari i Komunës së Hanit të Elezit Rufki Suma, pas miratimit të procesverbalit nga mbledhja e kaluar lidhur me gjendje e siguris raportuan zyrtarët nga Policia e Kosovës. Sipas Toger Nuhi Dema, Komandant i Stacionit Policorë në Han të Elezit, edhe muaji Tetor ka kaluar i qetë dhe pa ndonjë rast të veçantë të cenimit të sigurisë publike. Ai tha se gjatë muajit janë raportuar 8 raste për të cilat do të zhvillohen procedurat e rregullta ligjore. Ai tha se për Policinë e Kosovës mbetet si plan operativ angazhimi i saj në zbatimin e ligjit për parandalimin e përhapjes së Koronavirusit. Edhe Kapiten Bedri Berisha, nga Policia Kufitare-Vija e Gjelbërt raportoi për gjendje të qetë dhe stabile në vijën kufitare. Kapiten Berisha tha se gjendja e krijuar nga pandemia ka kufizuar lëvizjet në dy anët e kufirit por se mbetet që pjesëtarët e Policisë përveç detyrave të rregullta të kujdesen edhe për zbatimin e masave për parandalimin e përhapjes së Koronavirusit. Ndërsa lidhur me gjendjen me Pandeminë e Covid-19 në Komunën e Hanit të Elezit anëtarët e KKSB-së i njoftoi kryetari i komunës Rufki Suma. Sipas kryetarit Suma që nga fillimi i pandemisë në komunën e Hanit të Elezit janë regjistruar 36 raste, Vetëm gjatë muajit tetor kishin 4 raste aktive, ndërsa aktualisht është vetëm një rast aktiv. Kryetari Suma tha se aktualisht gjendja konsiderohet nën menaxhim, mirëpo numri i shtuar i rasteve në mbarë vendin kushtëzon që të jemi në vazhdimësi aktiv dhe të kërkojmë nga qytetarët dhe subjektet afariste që të zbatojnë të gjitha masat e domosdoshme për të parandaluar përhapjen e virusit. Ne këtë takim u trajtuan edhe çështje te tjera që ndërlidhën me sigurinë ne vend siç janë lufta kundër përdoruesve te drogës dhe përdorimi i mjeteve piroteknike.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara