Këshilli Komunal për Siguri në Bashkësi në Skenderaj ka mbajtur mbledhjen e parë të këtij viti

27/04/2018 Institucionet

Këshilli Komunal për Siguri në Bashkësi në Skenderaj ka mbajtur mbledhjen e parë të këtij viti. Të pranishëm në këtë takim ishin Nënkryetari i Komunës së Skenderajt, Nuredin Lushtaku, i cili e kryesoi mbledhjen si dhe anëtarët e Këshillit Komunal për Siguri në Bashkësi. Gjatë këtij takimi në veçanti është biseduar rreth gjendjes së sigurisë në këtë komunë e cila është vlerësuar si e qetë dhe stabile. Gjithashtu është diskutuar edhe për Planin e Punës së Këshillit Komunal për Siguri në Bashkësi për vitin 2018. Komandanti i stacionit të policisë në Skenderaj, Basri Durmishi, gjatë takimit të KKSB-së ndër tjerash me theks të veçantë ka folur për gjendjen e sigurisë në këtë komunë. Ai tha se gjendja e sigurisë në Skenderaj është stabile dhe ka falënderuar qytetarët për bashkëpunimin e mirë me policinë e Kosovës. Nënkryetari Lushtaku, ka falënderuar anëtarët e KKSB-së, për gatishmërinë dhe kontributin e tyre duke shtuar se Komuna e Skenderajt do të ketë bashkëpunim me gjithë anëtarët e këtij këshilli por edhe me të gjithë mekanizmat e tjerë. Ai tha se ky bashkëpunim është në interes të veçantë të qytetarëve të Komunës së Skenderajt.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara