Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Këshilli Komunal për Siguri në Bashkësi në komunën e Vitisë, ka mbajtur mbledhjen e tretë të rregullt, në të cilën është diskutuar për gjendjen e sigurisë në këtë komunë, për gjatë kësaj periudhe. Kjo mbledhje është kryesuar nga kryetari i komunës së Vitisë, Sokol Haliti i cili theksoi se gjendja e sigurisë në komunën e Vitisë është e qetë dhe stabil dhe për këtë i falënderoj të gjithë. Ai po ashtu vuri në pah se në pjesën e dytë të vitit pritet të këtë një fluks të madh të bashkatdhetarët që vijnë për pushime në vendlindje, por do të këtë edhe aktivitete dhe ngjarje të shumta që mund të ndikojnë në sigurinë. Ndërkaq rreth situatës së sigurisë në komunën e Vitisë, ka folur komandanti i stacionit policor në Viti, kapiten Afrim Halili, i cili i njoftoi se gjendja e sigurisë në këtë komunë mbetet stabile dhe sipas tij nuk ka pasur incidente kritike që do të ndikonte në siguri. Ai gjithashtu paraqiti edhe disa statistika duke krahasuar rastet e periudhave të njëjta me këtë vit, duke theksuar në veçanti se ka ulje të veprave penale për 6%. Në këtë takim, anëtarët e KKSB-së ngritën edhe disa çështje që janë të bëjnë me sigurinë.
