Këshilli Nacional për Siguri dhe Shëndet në Punë diskutoi për aktivitetet e deritashme dhe detyrat që e presin

18/09/2018 Institucionet

Këshilli Nacional për Siguri dhe Shëndet në Punë ka mbajtur takimin e rregullt, ku janë trajtuar çështje të rëndësishme që kanë të bëjnë me sigurinë dhe shëndetin në punë, por edhe për aktivitetet e Këshillit në ditët në vijim. Zëvendësministri Çerkin Dukolli, i cili njëherësh është edhe kryesues i këtij Këshilli, tha se në agjendën e aktiviteteve të KNSSH-së, edhe më tutje angazhimi ynë për rritjen e sigurisë dhe shëndetit në punë mbetet prioritet i parë. Me këtë rast ai ka inkurajuar Inspektoratin e Punës që të rrisë angazhimet në këtë drejtim, por njëkohësisht ka apeluar edhe te punëdhënësit që të ofrojnë kushte më të mira pune në punishtet e tyre, me theks të veçantë për sektorin e ndërtimtarisë. Këshilli ka aprovuar njëzëri që të organizohen tri vizita pune në kompani të ndryshme në sektorin publik dhe private. Po ashtu anëtarët e Këshillit u dakorduan që kah mesi i dhjetorit të organizohet një tryezë me palët e ndryshme të interesit për të debatuar, për sigurinë dhe shëndetin në punë, me qëllimin e vetëm shkëmbimin e ideve dhe përvojave për mbrojtje në punë dhe një siguri sa më efikase në vendet e punës. Po ashtu sot, u diskutua edhe për iniciativën Këshillit për hartimin e Strategjisë Nacionale, e cila do të adresojë në planin afatgjatë çështjet e sigurisë dhe shëndetit në punë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara