leoni

Këshilli ndërministror për luftimin dhe parandalimin e EHKK, kërkoi që të gjenden mënyra për vazhdimin e repelimit

11/06/2019 Institucionet

Këshilli Ndërministror për luftimin dhe parandalimin e etheve hemorragjike krime kongo (EHKK), ka mbajtur një takim pune, ku krahas institucioneve përgjegjëse në nivel qendror, ishin të pranishëm edhe nënkryetari i Komunës së Malishevës, Hajdin Berisha dhe drejtori për shëndetësi, Liridon Hoti. Në këtë takim të radhës të këtij këshilli, në mes tjerash u diskutua edhe për problemin e ndërprerjes së repelimit të kafshëve dhe u kërkua që të gjenden mënyra të shpejta për vazhdimin e repelimit. Repelimi i kafshëve, krahas masave tjera parandaluese, u cilësia si masa më e efektshme, bashkë me dezinsektimin, prandaj u kërkua që të gjenden forma të shpejta ligjore, për vazhdimin e këtij procesi, pasi replimi i kafshëve ndikon drejtpërdrejtë në  ciklin e rriqrave, të cilët edhe janë bartës të virusit të EHKK. Në këtë mbledhje të radhës, Këshilli Ndërministror, kërkoi nga të gjitha institucionet relevante, që të vazhdohet me zbatimin e masave për luftimin dhe parandalimin e Etheve Hemorragjike Krime Kongo, si dhe u kërkua nga qytetarët, që gjithashtu ti marrin të gjitha masat preventive në ambientet ku jetojnë dhe të kenë kujdes të shtuar. Për ndërprerjen e procesit të repelimit dhe për mos realizimin e repelimit në vitin e kaluar, Komuna e Malishevës ka reaguar edhe më herët, duke kërkuar që të vazhdohet me zbatimin e kësaj mase për luftimin dhe parandalimin e EHKK.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara