Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Këshilli Organizativ për shënimin e 8 vjetorit të shpalljes së Pavarësisë së Kosovës, ka dhënë një sqarim lidhur me sabotimin që drejtuesit politikë të Komunës së Prishtinës po i bëjnë shënimit të festës kryesore shtetërore në Kosovë, duke vlerësuar se ata po manipulojnë lidhur me këto festime. Sipas Këshillit Organizativë, të cilin e ka themeluar Qeveria, thuhet se Komuna e Prishtinës është e njoftuar zyrtarisht për aktivitetet që do të zhvillohen me rastin e shënimit të 17 shkurtit, qoftë përmes përfaqësueses së Komunës në Këshill, e cila ka marrë pjesë në takim më datë 2 shkurt, por edhe përmes komunikimit zyrtar që nënkryetari i Prishtinës, Dardan Sejdiu, ka zhvilluar me përfaqësuesit e Këshillit, komunikim i cili mund të bëhet publik nëse ka nevojë. Këshilli për shënimin e 8 vjetorit të shpalljes së Pavarësisë së Kosovës i rikujton Komunës së Prishtinës agjendën e festimeve e cila është publike për të gjithë opinionin e gjerë.
