Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Forca paqeruajtëse e Kosovës e udhëhequr nga NATO-ja, njoftoi se ka organizuar ushtrimin “Shpata e ngrirë, që do të zhvillohet nga data 25 deri më 28 maj 2022 në zonën e stërvitjes ajrore të Gjakovës. Gjatë periudhës së ushtrimit, komunitetet lokale mund të shohin një rritje të qarkullimit të mjeteve të transportit ushtarak dhe civil, ku do të përfshihen mjete të rënda dhe makineri për lëvizjen e dheut, të nevojshme për të përcaktuar skenarin e stërvitjes. KFOR-i do të marrë të gjitha masat e nevojshme për të lehtësuar çdo shqetësim që mund t’i shkaktohet popullatës’’. Tutje, thuhet se ushtrimi do të vendoset në një kontekst të një operacioni në shkallë të gjerë reagimi ndaj emergjencave. Sipas njoftimit personeli i KFOR-it do të sfidohet të marrë të gjitha masat e nevojshme për të rivendosur lirinë e lëvizjes dhe një mjedis të qetë dhe të sigurt në përputhje me parimet e Rezolutës 1244 të OKB-së, e vitit 1999.
