Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
KFOR-i ka njoftuar se ushtarët amerikanë do të zhvillojnë një aktivitet ajror në një fushë të hapur afër Polacit në Komunën e Mitrovicës Jugore. Në njoftim është thënë se për shkak të sigurisë rruga ngjitur në zonën e stërvitjes do të ndërpritet gjatë gjithë aktivitetit stërvitor. Në ditët në vijim, kontingjenti amerikan i caktuar në Komandën Rajonale të KFOR-it në Lindje do të zhvillojë një aktivitet ajror në një fushë të hapur afër Polacit, në komunën e Mitrovicës Jugore. Aktiviteti i kërcimit me linjë statike do të përfshijë parashutistët nga Garda Kombëtare e ShBA-së dhe helikopterët amerikanë nga aviacioni i Task Forcës Bondsteel në mënyrë që të ruajnë aftësitë specifike të referuara tek njësitë ajrore”. Për shkak të shqetësimeve të sigurisë, trafiku në rrugën ngjitur me zonën e stërvitjes, parashikohet të ndalet periodikisht gjatë gjithë aktivitetit stërvitor”, është thënë në njoftim.
