leoni

KKMSH: Janë edhe 79 raste aktive të qytetarëve vitias të prekur me COVID-19

14/08/2020 Institucionet

Komitetit Komunal për Mbrojtje dhe Shpëtim i Komunës së Vitisë (KKMSH), ka mbajtur sot takimin e rregullt. Gjatë këtij takimi në veçanti është folur për menaxhimin e situatës epidemiologjike në këtë komunë dhe u theksua se janë akoma 79 raste aktive të qytetarëve të prekur me këtë virus. Kreu i kësaj komune, Sokol Haliti, i cili edhe kryeson këtë komitet tha se respektimi i masave mbrojtëse nga qytetarët është në nivel të kënaqshme. Megjithatë ai ju bëri thirrje qytetarëve që të vazhdojnë me respektimin e masave me qëllim që të mos ketë rritje të personave të prekur me këtë virus dhe të ruhet shëndeti publik. Kryetari Haliti potencoi se kjo komunë po vazhdon edhe me masat e klorifikimit dhe dezinfektimit të hapësirave të ndryshme. Gjithashtu ai ka kërkuar nga qytetarët që të mos stigmatizohen personat të prekur apo edhe personat e shëruar nga koronavirusi pasi që çdo kush mund të infektohet. Kurse Komandanti i Stacionit Policor në Viti, Kapiten Afrim Halili dhe Skënder Ahmeti, Drejtor i Inspekcionit në Viti, kanë folur për bashkëpunimin e tyre në respektimin e masave kundër përhapjes së këtij virusi. Në këtë takim u bë me dije se gjithashtu ka pasur edhe mbyllje të lokaleve të cilat nuk i kanë respektuar masat mbrojtëse. Gjithashtu u bë me dije se Njësia Profesionale e Zjarrëfikjes dhe Shpëtimit në Viti ka bërë klorifikimin e hapësirës në fshatin Letincë, shkaku i festës së Zojës së Letnicës, e cila sivjet po zhvillohet me masa mbrojtëse sipas rekomandimeve të IKSHPK-së.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara