KKMSH: Ju bënë thirrje të gjithëve për respektim të masave kundër koronavirusit pasi që gjobitja në këtë kohë vetëm sa e vështirëson gjendjen socio-ekonomike

12/04/2021 Institucionet

Komuna e Vitisë, aktualisht ka 184 qytetarë aktiv me virusin Covid-19, ku prej tyre 5 janë të hospitalizuar. Kjo u bë me dije në mbledhjen e rregullt të Komitetit Komunal për Mbrojtje dhe Shpëtim (KKMSH). Me këtë rast Kryetari i komunës së Vitisë, Sokol Haliti ka kërkuar nga qytetarët që të respektojnë udhëzimet e ekspertëve, të mbajnë distancën, maskat dhe higjienën personale. “Kemi pasur në mbarë vendin një rritje të infeksionit me virusin Covid-19. I lus qytetarët tanë të respektojnë masat sepse kjo është në interes të shëndetit të secilit prej nesh por edhe në interes të shëndeti publik” u shpreh Kryetarit Haliti. Ai ndër tjerash potencoi se gjendja socio ekonomike e qytetarëve dhe e bizneseve është e vështirësuar dhe se shqiptimi i gjobave është i dhimbeshim për secilin në këtë situatë. Ai ka folur edhe për procesin e vaksinimit që ka filluar në Viti për personelin mjekësor dhe personat e moshuar duke shtuar se sasia e vaksinave që ka arritur nuk është fatkeqësisht e mjaftueshme për ketë komunë. Kurse Komandantit i Stacionit Policor në Viti, Kapiten Afrim Halili, ka thënë se Policia e Kosovës në Viti, gjatë fundjavës ka shqiptuar 80 gjoba për mos respektim të masave anti-covid dhe atë kryesisht për mos bartje të maskave. Edhe ai ju bëri thirrje qytetarëve të respektojnë masat pasi që është në interes të shëndetit publik. Kurse Basri Aliu, Drejtor i Arsimit në Viti, tha se sot ka filluar periudha e tretë e mësimit dhe shtoj se kjo po bëhet sipas skenarëve të paraparë. Ai tha se mësimi nga klasat e para deri të pesta është fizikisht në shkolla kurse mbi klasat e pesta mësimi po vijohet në formë virtuale. Drejtori Aliu shtoj se nga virusi Covid-19 në Viti, janë të prekur 2 mësimdhënës dhe 2 nxënës. Ndërkaq për bashkëpunimin me Policinë e Kosovës për respektim të masave anticovid ka folur Skender Ahmeti, Drejtor i Inspekcionit në Viti.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara