KKMSH: Shqetësuese numri i të infektuarave nga virusi Covid-19, u kërkohet qytetarëve të respektojnë masat dhe të ruajnë shëndetin publik

23/08/2021 Institucionet

Komiteti Komunal për Mbrojtje dhe Shpëtim ( KKMSH) në komunën e Vitisë, ka mbajtur sot një mbledhje të rregullt, ku është diskutuar mbi gjendjen e pandemisë nga virusi Covid-19. Rritja e numrit të infektuarve nga ky virus është vlerësuar si shqetësuese andaj u kërkua nga qytetarët që të respektojnë masat mbrojtëse kundër përhapjes së tij. Kryetari i komunës së Vitisë, Sokol Haliti, potencoi se aktualisht në këtë komunë janë të prekur nga ky virus 432 qytetarë kurse të hospitalizuar janë 8 persona. “Fatkeqësisht numri i të infektuarve nga virusi korona është rritur dhe kjo është shqetësuese për të gjithë ne. Kërkojmë nga qytetarët të respektojnë rekomandimet e IKSHPK-së sepse kjo është në interesin e shëndetit publik”, u shpreh kryetari Haliti. Ai u shprehu  ngushëllimet edhe familjareve që kanë humbur më të dashurit e tyre nga ky virus. Kryetari Haliti tha se komuna e Vitisë, është duke bërë përgatitjet për fillimin e vitit të ri shkollor duke marrë edhe masa parandaluese kundër përhapjes së virusit. Thirrjes për respektim të masave ju është bashkangjitur edhe Komandanti i Stacionit Policor në Viti, Kapiten Afrim Halili i cili shtoj se policia e Kosovës në Viti është e vendosur në zbatimin e masave dhe kërkoj nga qytetarët të respektojnë ato se përndryshe ata janë të obliguar të veprojnë sipas ligjeve në fuqi. Ndërkaq në këtë takim ka marrë pjesë edhe Shtatore Hajrizi nga Kryqi i Kuq në Viti, me të cilën është bashkëbiseduar në veçanti rreth ndihmës që po ofron Kryqi i Kuq në qendrën e vaksinimit anti Covid-19 në Viti.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara