KKMSH: Situata me Pandeminë e menaxhueshme në komunën e Vitisë

16/11/2020 Institucionet

Komiteti Komunal për Mbrojtje Shpëtim, ka mbajtur mbledhjen me të gjitha mekanizmat që janë pjesë e këtij komiteti, ku është vlerësuar situata aktuale pandemike në komunën e Vitisë. Aktualisht në këtë komunë janë diku 115 raste aktive, ndërkohë brenda 24 orëve janë shënuar dy raste të reja me Covid 19. Kryetari i komunës së Vitisë Sokol Haliti, ka theksuar se gjendja momentale nuk është e mirë, ndërkohë që situata është e menaxhueshme dhe kërkohet një rimobilizim i të gjitha komisioneve. “Do të rifillojmë kontaktin me të gjitha këshillat e fshatrave, për të qenë në menaxhim të situatës sa më mirë. Po ashtu kërkoj nga drejtoritë që të fillojnë me shqyrtim të mundësive për kufizim të stafit punonjës, në mënyrë që të shmanget mundësia e përhapjes së epidemisë, ndërkohë që të punohet me staf të reduktuar në shërbimet që janë të domosdoshme”. Haliti kërkoi që të vazhdohet me klorifikim dhe dezinfektim, e posaçërisht kërkoi një vëmendje më të shtuar të gjendjes në arsim. Komandanti i stacionit policor në Viti, kapiten Afrim Halili, u shpreh se janë duke e menaxhuar mirë situatën sa i përket respektimit të masave, kurse ka bërë të ditur se momentalisht janë 2 policë të infektuar. Kurse drejtoresha e Shëndetësisë dhe Mirëqenies Sociale, Hanife Jonuzi, ka bërë të ditur se ditëve të fundit është shtuar numri i pacientëve që kërkojnë asistencë mjekësore në Qendrën Kryesore të Mjekësisë Familjare në Viti.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara