KKSB në Malishevë mbajti mbledhjen e fundit për këtë vit

17/12/2019 Institucionet

Këshilli Komunal për Siguri në Bashkësi (KKSB) në Komunën e Malishevës, nën drejtimin e nënkryetarit të komunës, Hajdin Berisha, ka mbajtur mbledhjen e gjashtë dhe të fundit për vitin 2019, ku edhe njëherë u ritheksua se territori i Komunës së Malishevës, vazhdon të mbetet territori më i sigurt, në fushën e sigurisë së përgjithshme. Gjatë raportimeve të organeve përgjegjëse për sigurinë në vend, u theksua edhe njëherë se në Komunën e Malishevës, situata e sigurisë së përgjithshme, është e mirë, e qetë dhe stabile, dhe pa tendencë të prishjes së kësaj situate. Sipas komandantit të stacionit policor në Malishevë, kapitenit Azem Krasniqi, në këtë vit ka rënie të veprave penale, ndërsa zbulimi i rasteve ka shënuar rritje dhe kjo falë investimeve në fushën e sigurisë, me vendosjen e kamerave të sigurisë, si dhe duke ju falënderuar bashkëpunimit të mirë me qytetarët, për zbulimin e rasteve. Gjatë diskutimeve nga anëtarët e KKSB-së në Malishevë, doli rekomandimi që të punohet për hapjen e një nënstacioni policor në Kijevë, si dhe të një nënstacioni të zjarrfikësve në këtë vendbanim, me qëllim të ofrimit të shërbimeve për këtë pjesë të territorit që është pak më larg qendrës komunale në Malishevë. Po ashtu në këtë mbledhje, u bë apel për mospërdorim dhe mos shitje të mjeteve piroteknike, jashtë rregullave dhe afateve kohore të përcaktuara. Në këtë mbledhje, KKSB në Malishevë, i ka falënderuar të gjithë qytetarët për solidaritetin dhe humanitetin treguar me rastin e tërmetit në Shqipëri, si dhe për strehimin e personave të zhvendosur nga ajo zonë, në territorin e Komunës së Malishevës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara