KKSB: Situata e sigurisë e qetë dhe stabile në Komunën e Malishevës

05/05/2022 Institucionet

Këshilli Komunal për Siguri në Bashkësi (KKSB) në Komunën e Malishevës, sot e ka mbajtur mbledhjen e rregullt e cila është drejtuar nga kryetari i komunës, Ekrem Kastrati, ndërsa situata e sigurisë së përgjithshme u vlerësua e qetë, stabile dhe pa tendencë të prishjes së kësaj situate. “Bazuar në të dhënat e organeve të sigurisë dhe bazuar në deklarimet dhe raportimet e anëtarëve të Këshillit Komunal për Siguri në Bashkësi, vlerësoj dhe konkludojmë se situata e sigurisë së përgjithshme, e qytetarëve dhe pasurisë së tyre, është e mirë, stabile dhe me tendencë të krijimit të sigurisë edhe më të madhe”, tha kryetari Kastrati, duke i nxjerrë konkluzionet nga takimi i rregullt i KKSB-së. Edhe komandanti i stacionit policor në Malishevë, kapiteni Azem Krasniqi, gjithashtu e ka vlerësuar të qetë dhe stabile situatën e sigurisë së përgjithshme, madje, bazuar në raporte, “ky fillim viti, ka regjistruar situatën më të mirë që ka qenë ndonjëherë”, përjashtuar një rast të aksidentit me fatalitet. Ndërsa për sigurinë në komunikacion, tha se me gjithë shtimin e patrullimeve dhe kontrolleve, aksidentet shkaktohen nga faktorë të shumtë, ndërsa për këtë, anëtarët e KKSB-së, bën thirrje për vetëdijesim më të madh në komunikacion, nga të gjithë. Drejtori i Drejtorisë për Mbrojtje dhe Shpëtim, Shqipron Shala, në raportimin e drejtorisë, tha se “të gjitha shërbimet emergjente në nivel komune, janë 24 orë në shërbim të qytetarëve, si dhe janë duke u përgatitur edhe për sezonin e dezinsektimit kundër rriqrave, si masë parandaluese ndaj EHKK”.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara