KKSB:Siguria e përgjithshme në Malishevë në nivel të kënaqshëm dhe vazhdojmë të jemi komunë e sigurt

08/02/2024 Institucionet

Këshilli komunal për siguri në bashkësi (KKSB) në komunën e Malishevës, nën drejtimin e kryetarit të komunës së Malishevës, Ekrem Kastrati, sot e ka mbajtur mbledhjen e parë për këtë vit, ku është vlerësuar gjendja e sigurisë së përgjithshme në komunën e Malishevës. Bazuar në raportet e organeve përgjegjëse për siguri, situata e sigurisë së përgjithshme në komunën e Malishevës, vlerësohet e qetë dhe stabile, dhe pa tendencë të prishjes së kësaj situate. Të njëjtën gjë e ka konfirmuar edhe komandanti i stacionit policor në Malishevë, kapiteni Azem Krasniqi, e sipas të cilit, policia do të vazhdoj të jetë në gatishmëri të plotë në shërbim të qytetarëve për mbrojtjen e jetës dhe pasurisë së tyre, si dhe të trajtoj çdo problem që lidhet me sigurinë. Në këtë mbledhje, nga ana e drejtoreshës së drejtorisë për arsim dhe edukim, Arbëreshë Krasniqi, është raportuar edhe për gjendjen në arsim, përkatësisht në shkollat e komunës së Malishevës, e që sipas drejtoreshës Krasniqi, shqetësimi më i madh është rrugëtimi i nxënësve deri në shkollë dhe anasjelltas, për shkak të qenve endacak. Ndërsa për çështjet tjera, drejtoresha Krasniqi, e ka vlerësuar lartë bashkëpunimin dhe komunikimin me prind, që janë duke realizuar, ku krahas çështjeve tjera, angazhohen shumë edhe për sigurinë në shkolla, si dhe bashkëpunimin me policinë, ku në vazhdimësi mbahen ligjërata në shkolla. Në fillim të kësaj mbledhje, pas prezantimit të planit të veprimit së KKSB, për vitin 2024, nga ana e koordinatorit të KKSB në Malishevë, Halit Mazreku, unanimisht, anëtarët e këtij këshilli, e kanë miratuar këtë plan dhe është rekomanduar për miratim në kuvendin e komunës. Nga mbledhja e sotme dolën tri rekomandime, për planin e veprimit, pastaj për rritjen e bashkëpunimit me qytetarët dhe të tjerët, si dhe për raportimin e problemeve të sigurisë në bashkësi përmes ueb faqes zyrtare të komunës.

Kontrolloni gjithashtu

39 pemëtar ferizajas përfitues të spërkatsëve profesionale

Mbështetja për bujqit dhe fermerët ferizajas po vazhdon. Në kuadër të skemës mbështetëse për bujqit …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara