Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Këshilli për Mbrojtjen e të Drejtave dhe Lirive të Njeriut përmes një kumtese për medie ka tërhequr vërejtjen për shkeljen e vazhdueshme të të drejtave të paraburgosurve për rastin ‘Kumanova’. “Të arrestuarve , që tani janë duke u gjykuar po u mohohet një gjykim i drejtë , i paanshëm dhe i pandikueshëm politikisht. Në ‘Rastin Kumanova’ po shkelet në mënyrë flagrante Konventa e Kombeve të Bashkuara për Parandalimin e Torturës dhe Trajtimit Çnjerëzor për persona të privuar nga liria që është vërtetuar nga Avokati i Popullit i Maqedonisë , burime të pavarura jo qeveritare , avokatët mbrojtës, familjarët dhe dëshmitë e të akuzuarve para Gjykatës, ku ata po gjykohen”, thuhet në komunikatë. KMDLNJ, poashtu ka shprehur shqetësimin edhe për shkakun se familjarët e të vrarëve të “rastit Kumanova” nuk e kanë dëshminë për rezultatet e autopsisë që ka kohë që kanë përfunduar në Institutin e Mjekësisë Ligjore dhe Forenzikës në Prishtinë. Ky këshill, përmes komunikatës, kërkon prani dhe interesim më të madh të shtetit të Kosovës në këtë gjykim , në kuadër të asaj që e ka të lejuar sipas marrëveshjeve ndërkombëtare , si dhe organizatat ndërkombëtare për të drejtat e njeriut që kanë mandat për këtë.
