Këshilli për Mbrojtjen e të Drejtave dhe Lirive të Njeriut, përmes një reagimi dërguar medieve, seancat e jashtëzakonshme të Kuvendit të Kosovës i ka quajtur “mundësi për mosveprim”. Ky reagim u bë pas vendimit të Kryesisë së Kuvendit për mbajtjen e një seance të jashtëzakonshme për Ramush Haradinajn, i cili u arrestua nga autoritetet franceze më 4 janar në aeroportin e Bazelit në bazë të një urdhër arresti të lëshuar nga Serbia më 2004 që ndërlidhet me krime lufte. KMDLNj thotë se seanca që do të mbahet sot në Kuvendin e Kosovës do të jetë vazhdimësi e seancave të jashtëzakonshme paraprake “që nuk kanë prodhuar asnjë rezultat përveç fyerjeve, akuzave dhe kundër- akuzave si dhe rritjes së rreme të adrenalinës patriotike”.
![KMDLNJ thotë se SBASHK-u po i shkel të drejtat e nxënësve për arsim të drejtë dhe cilësor në përputhje me planprogramet](https://www.radiokosovaelire.com/wp-content/uploads/kmdlnj-646x330.jpg)