Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Partitë politike sot edhe zyrtarisht do të nisin fushatën për zgjedhjet e 11 qershorit, edhe pse zyrtarët e Komisionit Qendror të Zgjedhjeve pohojnë me të drejtë se partitë politike të vendit fushatën e kanë nisur qysh herët. Në këto zgjedhje të parakohshme parlamentare në Kosovë do të garojnë 5 koalicione, 19 parti politike dhe 2 iniciativa qytetare.
Partia Demokratike e Kosovës në këto zgjedhje garon në koalicion me AAK-në, me “Nismën” dhe me 11 subjekte të tjera të vogla, të cilat kandidat për kryeministër e kanë Ramush Haradinajn.
Lidhja Demokratike e Kosovës garon në koalicion me AKR-në e Behgjet Pacollit, të cilave i është bashkuar Alternativa e Mimoza Kusari-Lilës, si dhe Lëvizja për Drejtësi e Sylejman Çerkezit. Kandidat për kryeministër i këtyre partive është Avdullah Hoti.
Lëvizja “Vetëvendosje” garon e vetme në zgjedhjet e 11 qershorit 2017, kandidat i së cilës për kryeministër është Albin Kurti. Edhe Partia Fjala, në krye me Gëzim Kelmendin në zgjedhjet e 11 qershorit garon e vetme.
