Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Eprori i kontingjentit gjerman të KFOR-it, koloneli, Egon Frank, paralajmëron një përshkallëzim mes tensioneve të përtëritura në Kosovë. Ai saktësoi se aktualisht ekziston një rrezik i përhershëm që situata e sigurisë të përkeqësohet në kohën më të shkurtër të mundshme”, tha ai për portalin gjerman “Welt”. Koloneli, Egon Frank sqaroi se në veri të Kosovës ekziston një nivel i lartë i zhgënjimit për situatën e përgjithshme. Situata e brishtë në veri është për shkak të “krimit të organizuar, strukturave paralele serbe dhe potencialit të pandryshuar për konflikt ndëretnik”. Përveç kësaj, populli serb në veri të Kosovës përdoret “si instrument i ndikimit nga aktorë të ndryshëm të Beogradit zyrtar. Megjithatë, Koloneli gjerman garantoi se operacioni ushtarak ndërkombëtar i udhëhequr nga NATO, KFOR-i është “i detyrueshëm dhe i domosdoshëm për sigurimin e paqes dhe stabilizimin e situatës në terren”.
