Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komandanti i Forcës së Sigurisë së Kosovës, gjenerallejtënant Bashkim Jashari, priti sot në takim rreshter majorin komandues të Komandës Evropiane të SHBA-së (EUCOM), Robert V. Abernethy, i shoqëruar nga rreshter majori i Gardës Kombëtare të IOWA-s, Matthew T. Strasser. Gjatë takimit u theksua bashkëpunimi i ngushtë mes FSK-së dhe EUCOM-it, me fokus në zhvillimin dhe avancimin e trupës së nënoficerëve. Gjeneral Jashari vlerësoi mbështetjen e partnerëve amerikanë në ndërtimin e një strukture të fortë dhe profesionale të nënoficerëve. Rreshter majori Abernethy përgëzoi lidershipin e gjeneral Jasharit për mbështetjen e zhvillimit të karrierës ushtarake dhe rolin kyç të nënoficerëve në FSK. Në shenjë mirënjohjeje për mbështetjen e vazhdueshme, Jashari e dekoroi Abernethyn me medaljen “Shërbim vetëmohues”.
