Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komandanti i FSK-së, gjenerallejtënant Bashkim Jashari së bashku me delegacionin përcjellës nga FSK-ja, u pritën në takim pune në Ministrinë e Mbrojtjes në Berlin, nga Shefi i Mbrojtjes së Republikës Federale të Gjermanisë, gjeneral Karsten Breuer. Ata diskutuan rreth situatës së përgjithshme të sigurisë në Kosovë, rajon dhe me gjerë, ata gjithashtu theksuan rëndësinë e rritjes së bashkëpunimit ushtarak ndërmjet ushtrive të dy vendeve. Gjenerallejtënant Jashari e falënderoi gjeneralin gjerman për mbështetjen e vazhdueshme që ky shtet dhe në veçanti Bundeswehri ka dhënë dhe po jep në zhvillimin e aftësive dhe kapaciteteve të FSK-së. Me këtë rast gjenerali Breuer shprehu vlerësim të lartë për gjeneral, Bashkim Jasharin në funksion të ngritjes dhe profesionalizimit të kapaciteteve të FSK-së, si dhe për angazhimin që po e bëjnë në funksion të paqes në Ballkan, si dhe rritjes së bashkëpunimit mes dy ushtrive. Të dy gjeneralët u pajtuan për thellimin e bashkëpunimit në mes të dy vendeve dhe me këtë rast gjeneral Jashari e ftoi gjeneralin Breuer për vizitë zyrtare në Kosovë.
