Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komandanti i KFOR-it, Enriko Barduani, thotë se për FSK-në në veri, ne jemi ata që pyetemi, për urën mbesim deri në një zgjidhje politike. Rasti i Banjskës dhe sabotimi në kanalin “Ibër-Lepenc” janë incidente të veçanta, secila prej të cilave kërkon hetime të pavarura për të vërtetuar faktet dhe përgjegjësinë. Kështu ka thënë komandanti i KFOR-it, Enriko Barduani në një interviste. Sipas tij , KFOR-i nuk ka asnjë rol në hetimin e diversionit të fundit, duke pasur parasysh se zbatimi i ligjit nuk është brenda mandatit të tij. “Situata në Kosovë mbetet e qetë, por e ndjeshme, me ekspozim të vazhdueshëm ndaj përshkallëzimit të mundshëm. Ai ka thënë se KFOR-i do të mbajë praninë e tij të përhershme në urën kryesore të Ibrit dhe do të vazhdojë të kryejë patrullime të rregullta në zonat përreth. Enrico Barduani ka konfirmuar se çdo prani e Forcës së Sigurisë së Kosovës, në veri kërkon miratimin paraprak nga komandanti i KFOR-it. Incidente të izoluara ende mund të ndodhin. Parandalimi i plotë i incidenteve të tilla është kompleks, sepse ato shpesh përfshijnë elementë kriminalë ose terroristë që veprojnë në mënyrë të fshehtë dhe të paparashikueshme”, ka thënë Enriko Barduani.
