Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komandanti i ri i KFOR-it, Franco Federici, ka folur për herë të parë për pritjet që i ka në misionin e tij në krye të forcave paqëruajtëse të NATO-s në Kosovë, ku do jetë shef për një vit. Gjatë një bashkëbisedimi virtual me gazetarë, gjenerali italian u deklarua për çështjet më aktuale të sigurisë në Kosovë. Federici tha se nuk sheh rrezik për sigurinë këtu karshi deklarimeve nga Beogradi se në rast se nuk arrihet marrëveshje kompromisi me Prishtinën atëherë ka rrezik për konflikt të ngrirë. Si shembull zyrtarët serbë e marrin rajonin Nagorno-Karabah, për të cilin Armenia e Azerbajxhani, kanë luftuar për muaj të tërë. E sa për mundësinë e ndonjë destabilizimi të situatës si pasojë e dorëzimit në Gjykatën Speciale në Hagë të ish-liderëve të UÇK-së, Federici thotë se po përcjellin situatën me vigjilencë.
