Komisioni Hetimor i ngritur nga Kuvendi i Shqipërisë, me qëllim pë të hetuar çështjen e privatizimit të CEZ-it, dështoi edhe në mbledhjen e radhës. Shkak u bë mosprania e ish-kryeministrit Sali Berisha. Kreu i komisionit hetimor, Taulant Balla, është shprehur se do t’i bëjë shkresë policisë për shoqërimin me forcë të Sali Berishës. “Shkresë policisë për shoqërimin me forcë të shtetasit Sali Berisha. Është hera e tretë që Sali Berisha refuzon të paraqitet në komision për të dëshmuar. Berisha është vënë në dijeni dy herë nëpërmjet shkresave zyrtare dërguar nga unë si kryetar i komisionit dhe sekretarja e përgjithshme e Kuvendit”, tha Balla. Komisioni hetimor për privatizimin e OSSH-së ka nisur punën që në prill të këtij viti.
![Komisioni Hetimor për çështjen e privatizimit të CEZ-it dështoi në mungesë të ish-kryeministrit Berisha](https://www.radiokosovaelire.com/wp-content/uploads/berisha-balla-633x330.jpg)