leoni

Komisioni për emërtimin e rrugëve në komunën e Deçanit ka filluar daljen në terren për verifikim

21/02/2024 Institucionet

Komisioni për emërtimin e rrugëve, i emëruar nga kuvendi komunal i komunës së Deçanit, pas shqyrtimit të dokumentacionit dhe kërkesave të shumta, me propozime të emrave dhe rrugëve të pa emërtuara, sipas parashtrimit të kërkesave nga qytetarët, kanë filluar daljen në terren, për të verifikuar nga afër gjitha kërkesat dhe për të konstatuar gjendjen faktike. Agjenda e përfundimit të vizitave në terren, në të gjitha lokalitetet vazhdon deri me dt. 11 Mars 2024. Komisioni në fjalë i përbërë nga gjitha subjektet politike të përfaqësuara në kuvend dhe ekspert nga urbanizmi, do të jap vlerësimin për gjithsecilën kërkesë në përputhje me rregullat dhe kushtet që i parashohin ligjet në fuqi. Në seancën e kuvendit të komunës së Deçanit, të muajit Mars, pritet që kuvendi t’i shqyrtoj propozimet nga komisioni kompetent për ti aprovuar. Pastaj vendimi i kuvendit të komunës, sipas procedurës ligjore, dërgohet në ministritë e linjës, për ti verifikuar a janë në përputhje me ligjet e vendit. Pas aprovimit të ligjshmërisë, emërtimet e reja do të futen në adresarin e Kosovës dhe do të vendosen tabelat me emërtime, si dhe numrat e shtëpive. Gjithë parashtruesit e kërkesave do të pranojnë vendimin me shkrim, për aprovimin apo jo të kërkesës së tyre, sipas rregullave dhe kushteve që obligojnë ligjet në fuqi.

Kontrolloni gjithashtu

39 pemëtar ferizajas përfitues të spërkatsëve profesionale

Mbështetja për bujqit dhe fermerët ferizajas po vazhdon. Në kuadër të skemës mbështetëse për bujqit …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara