Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komisioni për Legjislacion i Kuvendit të Kosovës shqyrtoi raportin vjetor të punës së Komisionit Qendror të Zgjedhjeve. Anëtarët e këtij komisioni parashtruan vërejtje të shumta për KQZ për mos heqjen nga lista e votuesve të emrave të qytetarëve që kanë vdekur. Gjatë mbledhjes së Komisionit u tha se janë rreth 40 mijë qytetar që kanë vdekur ndërsa emrat e tyre ende gjenden në listat e votuesve. Në takimin e Komisionit për Legjislacion të Kuvendit të Kosovës u tha se problem paraqet edhe numri i votuesve serb dhe theksuan se janë rreth 10 mijë votues serb të Republikës së Serbisë që kanë marrë pjesë në procesin e votimit edhe pse nuk kanë pasur dokumente të Kosovës, e as të UNMIK-ut. Gjatë takimit u shfaq shqetësimi për rënien e pjesëmarrjes në votim nga diaspora. Kryetarja e KQZ-së, Valdete Daka tha se ky institucion nuk ka kurrfarë kompetence të ndërhyjë në lista për shkak se këtë kompetencë e ka Ministria e Punëve të Brendshme ndërsa anëtarët e Komisionit të Kuvendit për Legjislacion thanë se kjo qasje është e gabuar.
