Komiteti i komuniteteve në Deçan mbajti takimin e dytë të rregullt për vitin 2020

14/02/2020 Institucionet

Komiteti për Komunitete, organ i Kuvendit të Komunës së Deçanit, ka mbajt takimin e dytë të rregullt për vitin 2020 të udhëhequr nga kryesuesi Elmir Nezaj, në praninë e anëtareve të këtij komiteti, përfaqësuesve të OSBE-së dhe KFOR-i. Mbledhja nisi me miratimin e procesverbalit nga mbledhja e kaluar. Pas miratimit të procesverbalit nga mbledhja e kaluar, nga zyra e ZLK-së Shaban Pejqinoviq, tregoi për punën e kësaj zyre për kërkesat dhe vizitat që kanë, duke shtuar se ne pos konsultimeve me palët dhe ndihmës që bëjmë duke i drejtuar tek personat përgjegjës që nga viti 2008, zyra jonë nuk ka buxhet të veçantë për të ndihmuar ndonjë familje me nevojë. Në bazë të planit të punë se Komitetit të Komuniteteve, i ftuar në takim ishte drejtori i Bujqësisë Pylltarisë dhe Zhvillimit Rural Rifat Stojkaj, i cili i njoftoi për punën e këtij dikasteri, për vizitat që janë duke u bë në teren me bashkëpunëtor të këtij sektori në mënyrë që të njihen përseafërmi më fermerët dhe kërkoi nga përfaqësuesit e komuniteteve pakicë që të hartojnë një listë me emra të fermerëve te komuniteteve dhe bashkë në ditët në vijim të vizitojnë për të pa nga afër gjendjen dhe mënyrën e subvencionimit nga kjo drejtori, duke ju bërë të ditur se në muajin Mars hapen ofertat për subvencione nga Ministria e Bujqësisë dhe ne jemi këtu për të ju ndihmuar në plotësimin e dokumentacionit për aplikim. Ndryshe Stojkaj, bëri të ditur se pas Miratimit të Buxhetit nga Qeveria e Republikës së Kosovës, këtë vit komunitetin pakicë do ta mbështesim me 1500 drunj frutorë (mollë, dardhë, kumbull etj), pastaj në fazën e dytë do të bëjmë inseminimin e gjedheve falas. Ne do të jemi të hapur me bashkëpunëtorë që hallet dhe shqetësimet tuaja ti trajtojmë në mënyrë të barabartë gjithmonë duke i ditur mundësit buxhetorë tha Stojkaj. Nga kryesuesi i këtij takim Elmir Nezaj, u kërkua që në takimin e ardhshëm anëtarët e komunitet Boshnjak të sjellin një statistikë se sa banorë të këtij komuniteti jetojnë aktualisht në komunën e Deçanit dhe cila është mënyra e jetesës së tyre.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara