Udhëhequr nga Kryesuesi – Arbër Zenuni, është mbajtur mbledhja e dymbëdhjetë e Komitetit për Politikë dhe Financa (KPF) dhe e fundit për këtë vit kalendarik.
Të pranishëm në mbledhje, përveç anëtarëve të komitetit, si zakonisht ishin edhe drejtorët e drejtorive, përfaqësuesit e KFOR-it, zyrtarët komunalë dhe monitoruesit e seancës.
Mbledhja e KPF-së si zakonisht ishte konstruktive dhe efikase, ku për mbledhjen e rregullt të KUVENDIT, unanimisht u ceduan këto pika:
1. Shqyrtimi i raportit të punës së kryetarit (ekzekutivit) për vitin 2024
2. Shqyrtimi i planit të punës së kuvendit komunal për vitin 2025
3. Shqyrtimi i planit të punës së Këshillit Komunal për Siguri në Bashkësi (KKSB), për vitin 2025
4. Shqyrtimi i planit të punës së këshillit të fshatit të Hoçës së Madhe
5. Shqyrtimi i njoftimit për shkëputjet e kontratës së lokalit afarist
6. Shqyrtimi i propozim-vendimit për dhënien e pëlqimit paraprak për dhënien në shfrytëzim afatgjatë, të pronës së paluajtshme të komunës, Zyra Kadastrale – Rahovec
7. Shqyrtimi i propozim-vendimit për formimin e komisionit për zbatimin e procedurave dhe vlerësimin e ofertave të dhënies në shfrytëzim afatgjatë, të pronës së paluajtshme të komunës, ZK- Rahovec
8. Shqyrtimi i propozim-vendimit për dhënien e pëlqimit paraprak për dhënien në shfrytëzim afatshkurtër të pronës së paluajtshme të komunës, ZK-Hoçë e Madhe
9. Shqyrtimi i propozim-vendimit për formimin e komisionit për zbatimin e procedurave dhe vlerësimin e ofertave të dhënies në shfrytëzim afatshkurtër, të pronës së paluajtshme të komunës, ZK – Hoçë e Madhe.
Paraprakisht, drejtori i Shërbimeve Publike, Përparim Krasniqi, në këtë mbledhje sponsorizoi një pikë shtesë, e njëjta është ceduar për në mbledhjen e rregullt të kuvendit.
Shqyrtimi i propozim-vendimit për lirim nga taksa komunale Post-Telekomin e Kosovës.
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
