Komiteti për Politikë dhe Financa në Viti mbajti mbledhjen e 10 të rregullt

22/10/2018 Institucionet

Komiteti për Politikë dhe Financa në Viti ka mbajtur mbledhjen e 10 të rregullt. U diskutua mbi pikat e ndryshme të rendit të ditës. Por pjesa me e madhe e diskutimit është bërë mbi Pasqyrat Financiare të buxhetit Komunal për periudhën janar-shtator 2018. Naim Pira, Kryesues i Kuvendit Komunal të Vitisë në fillim të këtij takimi i ka njoftuar anëtarët mbi vlerësimin e ligjshmërisë së akteve të bërë nga departamenti ligjor i MAPL-së, duke potencuar se vendimi për aprovimin e buxhetit komunal është vlerësuar nga ky departament. Kryesuesi Pira megjithatë bëri me dije se akoma nuk kanë marrë vlerësimin e ligjshmërisë të akteve të tjera që janë miratuar në mbledhjen e fundit të Kuvendit Komunal të Vitisë, por shtoj se ata janë të ligjshme pasi që kanë kaluar afatin 15 ditor të pritjes. Kurse Ibrahim Rama, Drejtor për Ekonomi, Financa dhe Zhvillim duke prezantuar pasqyrat financiare për 9 mujorin e këtij viti bëri me dije se buxheti vjetor i vitit 2018 është shpenzuar brenda kësaj periudhe për 83.98%. Ai gjatë kësaj mbledhje paraqiti edhe shpenzimet në formë të detajuar të bëra në secilën kategori por edhe inkasimet që janë bërë për këtë periudhë. Kurse anëtarët e këtij komiteti patën mendime të ndryshme rreth shpenzimeve të bëra gjatë kësaj periudhe, disa prej tyre kërkuan mandej të dhëna më të theksuar. Gjithashtu në këtë mbledhë me shumicë votash është votuar: Propozimi për shqyrtimin dhe miratimin e propozim vendimit për shpalljen në diskutim publik të rregullores për mbledhjen dhe shpenzimin e të hyrave vetanake nga arsimi dhe aftësimi për të rritur. Kurse me shumicë votash është votuar kundër një propozim vendimi që ka të bëjë me dhënien në shfrytëzim të lokacionit të Stacionit të Autobusëve në Viti dhe atë në kuadër të bashkëpunimit ndër komunal. Në KPF janë prezantuar sot edhe disa informata të ndryshme si: Informatë mbi prokurimet dhe kontratat e nënshkruara për gjashtëmujorin 2018 (Janar-Qershor 2018). Informatë (raport pune) nga Zyra e Personelit për periudhën Janar-Dhjetor 2017. Informatë për shpërndarjen e subvencioneve nga kodi i Kryetarit të Komunës dhe nga Drejtoria për Kulturë Rini dhe Sport, Drejtoria e Bujqësisë dhe Drejtoria e Shëndetësisë dhe Mirëqenies Sociale. Informatë (raport) për zbatimin e planit të integritetit për Komunës e Vitisë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara