Komiteti për Politikë dhe Financa zhvilloi mbledhjen e tretë të rregullt

20/03/2025 Institucionet

Në Viti, u mbajt mbledhja e tretë e rregullt e Komitetit për Politikë dhe Financa (KPF). Në këtë ngjarje, kryesuesi i Kuvendit Komunal të Vitisë, Bekim Azizi, fillimisht njoftoi të pranishmit mbi vlerësimin e ligjshmërisë së akteve të miratuara në mbledhjen e fundit të Kuvendit Komunal, akte që kanë kaluar përmes KPF-së për shqyrtim.

Gjatë shqyrtimit të pikave të rendit të ditës, anëtarët e KPF-së ngritën çështje të ndryshme, me fokus të veçantë interesin e qytetarëve të Vitisë.

Në këtë mbledhje u shqyrtuan dhe u miratuan me shumicë votash pikat e mëposhtme:

1. Propozimi për dhënien në shfrytëzim të pronës komunale përmes procedurës së shprehjes së interesit.

2. Propozimi për formimin e një komisioni të posaçëm për zbatimin e procedurave dhe vlerësimin e ofertave për dhënien në shfrytëzim të pronës së paluajtshme të komunës në afat të gjatë.

Gjithashtu, gjatë këtij takimi u paraqit edhe raporti vjetor i Zyrës së Prokurimit Publik në Viti, i cili përfshinte kontratat e nënshkruara publike për vitin 2024.

Përndryshe në këtë takim nga ekzekutivi komunal ka marrë pjesë Hasan Aliu, zv.kryetar i komunës së Vitisë.

Kontrolloni gjithashtu

Në Ferizaj u hap panairi dy ditor i makinerive dhe aksesorëve për përpunimin e drurit

Sot në Ferizaj u hap panairi dy ditor i makinerive dhe aksesorëve për përpunimin e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara