Komiteti për Politikë e Financa në komunën e Vitisë mbajti mbledhjen e tetë të radhës

16/08/2024 Institucionet

Me vetëm një pikë të rendit të ditës ku u dha një informatë për aktivitetet dhe kontratat e realizuara të prokurimit në periudhën 6 mujore të vitit 2024, Komiteti për Politikë e Financa në komunën e Vitisë ka mbajtur mbledhjen e tetë të rregullt. Kryesuesi i Kuvendit Komunal Bekim Azizi, fillimisht ka hapur debat rreth propozimeve dhe temave të tjera jashtë rendit të ditës, ndërkohë që për pikën e paraparë, një informatë më të detajuar dha udhëheqësi i Zyrës së Prokurimit Fadil Abazi, i cili bëri të ditur se në gjashtë mujorin e parë  të këtij viti, duke u bazuar në kërkesat e njësive shpenzuese, kjo zyrë ka iniciuar 34 aktivitete të prokurimi. Sipas këtij raporti  janë kryer 11 aktivitete me lëndë prokurimi shërbime, 12 aktivitete me lëndë prokurimi punë, 10 sosh furnizime si dhe një aktivitet konkurs projektimi. Prej këtyre aktiviteteve të zhvilluara: 19 aktivitete janë përmbyllur dhe janë finalizuar ndërsa 15  janë në zhvillim, tha Abazi.

Kontrolloni gjithashtu

Komuna e Vitisë me aktivitete të shumta shënoi luftën kundër kancerit të gjirit

Nën përkujdesjen e kryetarit të komunës së Vitisë, Sokol Haliti, dhe organizimin e Qendrës Kryesore …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara