Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komiteti për Politikë të Jashtme i Parlamentit Evropian ka miratuar një draft-rezolutë për Kosovën, ku kërkohet heqja e menjëhershme e masave të BE-së ndaj Kosovës. Autor i raportit është Riho Terras, raportuesi për Kosovën, i cili ka theksuar se vendi i Kosovës është në BE dhe ka mbështetur aplikimin e Kosovës për anëtarësim në Bashkimin Evropian. Po ashtu, komiteti ka ftuar vendet anëtare të BE-së që ende nuk e kanë njohur Kosovën, ta bëjnë këtë pa vonesa të tjera. Parlamenti Evropian gjithashtu mbështet anëtarësimin e Kosovës në Këshillin e Evropës dhe planin për t’iu bashkuar Programit të Partneritetit për Paqe të NATO-s. Dokumenti nënvizon progresin në drejtësi, siguri dhe luftën kundër krimit të organizuar, por shpreh shqetësime për dobësitë e sistemit të drejtësisë dhe situatën e sigurisë në veri të Kosovës, duke përfshirë sulmet në Banjskë dhe Ibër Lepenc. Kërkohet sjellja para drejtësisë e autorëve të këtyre sulmeve dhe shprehet keqardhje për faktin se Serbia ende nuk i ka nxjerrë para drejtësisë kryesit e sulmeve, përfshirë Millan Radoiçiq.
