Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri, Albin Kurti në seancën e sotme të Kuvendit të Kosovës ka deklaruar nuk është penduar që nuk e ka përfillur kërkesën e Amerikës që ta shtyjë për 10 muaj zbatimin e vendimit të Qeverisë për zëvendësimit e targave ilegale të lëshuara nga Serbia. U bë më mirë me marrëveshjen e arritur të mërkurën mbrëma në Bruksel. Ai tha se marrëveshja mund të shihet edhe si koncesion, por ai beson se dobia ka qenë shumë e madhe dhe se nuk është cenuar kurrfarë substance e vendit. Është e vërtetë që po bëhet fjalë për një pjesë të vendit tonë, për veriun, por po bëhet po ashtu fjalë për një pjesë të Serbisë për qendrën e regjistrimit të automjeteve në Rashkë. A është koncesion? Po, mund të shihet edhe si koncesion. Për besë nuk kemi cenuar kurrfarë substance të vendit tonë, tha Kurti para deputetëve, duke pretenduar të paraqitet i besueshëm, madje edhe duke u betuar para tyre.
