Komuna Bajrampasha e Stambollit e interesuar për bashkëpunim me Malishevën

22/02/2018 Institucionet

Kryetari i Komunës së Malishevës, Ragip Begaj, me ftesë të kryetarit të Komunës së Bajrampasha në Stamboll, e ka vizituar këtë komunë, ku është pritur nga kryetari Atila Aydiner. Begaj dhe Aydiner, kanë biseduar për mundësitë e bashkëpunimit mes dy komunave, në fusha të ndryshme me interes të përbashkët. “I nderuar kryetar Ragip Begaj, ju falënderoj për vizitën që i bëni komunës sonë, dhe ne jemi të interesuar të bashkëpunojmë me komunën tuaj dhe rritjen e marrëdhënieve mes dy vendeve tona dhe dy komunave”, ka thënë kryetari i komunës Bajrampasha, Atila Aydiner dhe e ka falënderuar publikisht kryetarin Begaj, për vizitën, siç e ka quajtur ai, si një vizitë e çmuar. Më pas, kryetari Begaj, në kuadër të vizitës në këtë komunë, ka vizituar edhe sektorin e biznesit, ku është takuar me pronarët e bizneseve të mëdha të kësaj pjese të Stambollit, ndërsa vet biznesmenët turq, kanë shprehur interesimin e tyre, për të zgjeruar bizneset prodhuese edhe në Kosovë dhe konkretisht në Malishevë. Begaj dhe Aydiner, janë deklaruar se do të vazhdojnë bashkëpunimin me vizita të ndërsjella dhe shumë shpejt pritet që një delegacion i kësaj komune, të vizitoj Malishevën.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara