Komuna dhe Hidroregjioni jugor, bëjnë marrëveshje për shpime dhe hulumtime për ujë të pijshëm

27/09/2018 Institucionet

Komuna e Malishevës dhe Hidroregjioni jugor, përkatësisht Kryetari i Komunës së Malishevës, Ragip Begaj dhe kryeshefi ekzekutiv i Hidroregjionit jugor, Besim Baraliu, kanë nënshkruar një marrëveshje bashkëfinancimi për “hapjen e puseve piezometër dhe puseve eksploatuese” në fshatrat Temeqinë, Bellanicë, Llapqevë dhe fshatrave tjera, sipas nevojave në Komunën e Malishevës. Kjo marrëveshje është nënshkruar, me qëllim të hapjes së këtyre puseve, pasi nevoja për ujë të pijes është e madhe, sikur edhe shtimi i kapaciteteve të ujit, sasisë dhe kualitetit të ujit, dhe zgjerimi i rrjetit të ujit në fshatrat ku nuk ka rrjet të ujësjellësit. Sigurimi i ujit për pije për të gjitha vendbanimet e Komunës së Malishevës, është prej prioriteteve të veçanta, dhe për këtë qëllim, kryetari i Komunës së Malishevës, Ragip Begaj, është duke bërë përpjekje të shumta, që përmes projekteve të ndryshme, të rritë kapacitetet dhe të zgjeroj rrjetin e ujësjellësve, në mënyrë që fshatrat e Komunës së Malishevës, të jenë të furnizuara me ujë.

Kontrolloni gjithashtu

Dea Shabani shkruan historinë për notin ferizajas

Anëtarja e Klubit të Notit “FERIZAJ”, Dea Shabani ka shkruar historinë për notin ferizajas në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara