leoni

Komuna e Deçanit renditet e para në Kosovë në Barometrin Turistik

01/03/2025 Institucionet

Universiteti “Haxhi Zeka”, në bashkëpunim me kompaninë Terra, ka prezantuar një projekt inovativ për sektorin e turizmit në Kosovë – Barometrin Turistik. Ky projekt përfaqëson platformën e parë të këtij lloji në vend dhe synon të ofrojë një pasqyrë të detajuar dhe të bazuar në të dhëna mbi performancën e sektorit turistik, duke përfshirë cilësinë e shërbimeve në hotele dhe restorante.

Barometri Turistik është ndërtuar mbi një analizë të thelluar të vlerësimeve dhe komenteve të vizitorëve, duke krijuar një sistem që mat në mënyrë objektive përvojën e klientëve në sektorin e mikpritjes. Me këtë platformë, për herë të parë, komunat, bizneset dhe institucionet përkatëse do të kenë qasje në të dhëna të detajuara mbi perceptimin e turistëve dhe cilësinë e shërbimeve të ofruara në destinacionet kryesore të vendit.

Përveç ofrimit të analizave të bazuara në të dhëna, ky projekt përfshin edhe një komponent inovativ – një asistent virtual (ChatBot) i ndërtuar për të ndihmuar pronarët e hoteleve dhe restoranteve të kuptojnë më mirë performancën e tyre dhe të përmirësojnë shërbimet që ofrojnë. Ky asistent (ChatBot) do të analizojë komentet dhe vlerësimet, duke ofruar rekomandime konkrete për përmirësimin e cilësisë së shërbimit dhe menaxhimin e reputacionit online.

Për më shumë informata mbi këtë projekt dhe qasjen në analizat e detajuara të Barometrit Turistik, mund të vizitoni platformën zyrtare në linkun:

https://unhz.eu/barometri-turistik-i-kosoves/

Kontrolloni gjithashtu

Kryetari Kastrasti merr pjesë në shënimin e 581-vjetorit të “Besëlidhjes së Lezhës”

Kryetari i Komunës së Malishevës z. Ekrem Kastrati me ftesë të kryetarit të Lezhës, Pjerin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara