Komuna e Ferizajt e gatshme që të përkrah bizneset vendore

09/07/2018 Institucionet

Gjatë ditës së hënë, drejtori i zhvillimit ekonomik dhe turizmit në komunën e Ferizajt, Zekir Bytyqi, ka nënshkruar Memorandum Mirëkuptimi me Sylejman Nezirin, pronar i Qendrës Tregtare “Plus Market”. Kjo marrëveshje është nënshkruar në shenjë përkrahje për këtë qendër tregtare, e cila me datën 26 dhe 27 korrik do të mbaj panairin me prodhimet vendore në hapësirat e kësaj qendre. Me këtë rast, drejtorit Bytyqi, është shprehur se ky memorandum ka rëndësi shumë të madhe me vet faktin se edhe Kryetari i Ferizajt, Agim Aliu, është i gatshëm që të përkrah bizneset vendore. U bë e ditur se në këtë panair pjesëmarrës do të jenë mbi 200 kompani vendore, si dhe shumë kompani prodhuese nga Shqipëria, ndërkaq gjatë dy ditëve pritet që mbi 10 mijë konsumatorë ta frekuentojnë panairin. Në hapje të këtij panairi pritet të marrin pjesë Presidenti i Republikës së Kosovës Hashim Thaçi, Kryeministri i Republikës së Kosovës, Ramush Haradinaj dhe ministra e zëvendësministra, Kryetari i Komunës së Ferizajt, Agim Aliu si dhe mysafirë të shumtë nga vendi dhe shumë përfaqësues të institucioneve nga Shqipëria. Organizatorë të këtij panairi janë Qendra Tregtare “Plus Center” dhe Komuna e Ferizajt.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara