Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot kryetari i komunës së Hanit të Elezit, Rufki Suma, ndau mirënjohje për personalitete të caktuara lidhur me kontributin dhe bashkëpunimin disa vjeçar me ta. Me këtë rast u nderuan me mirënjohje Shaban Çupi, veprimtar i çështjes kombëtare dhe i burgosur politikë, me motivacion për promovimin e vlerave të trashëgimisë kulturore dhe historike në komunën e Hanit të Elezit.
Pastaj mirënjohje i është ndarë artistit dhe kantautorit, Milaim Mezini, me motivacion për kontributin e dhënë përmes artit të këngës, në veçanti kushtuar dëshmorëve të kombit. Në një rast kantautori, Milaim Mezini evokoi një kujtim kur është liruar nga burgu veprimtari Shaban Çupi. Ai ishte rrëmbyer nga forcat kriminele serbe. Ditën e lirimit ishte kthyer me 10 gusht të viti 2000, i cili pa shkuar në familje iu kishte drejtuar të pranishmëve të cilët ishin duke festuar Ditën e Dëshmorëve të Kaçanikut. Këngëtari, Milaim Mezini ka realizuar rreth 500 këngë prej tyre 160 për dëshmorët e kombit.
Një mirënjohje iu ka ndarë edhe redaktores së Radios Kosova e Lirë, folëses e gazetares së TV-Diellit, Arbana Qeriqi-Gashi me motivacionin për dokumentimin e pasqyrimin e vlerave të luftës së UÇK-së.
