leoni

Komuna e Malishevës dhe Islamic Relief shpërndajnë mekanizëm bujqësor për fermerët

14/04/2025 Institucionet

Në kuadër të bashkëpunimit dhe bashkëfinancimit mes Komunës së Malishevës dhe organizatës Islamic Relief, të hënën është realizuar shpërndarja e mekanizmit bujqësor për fermerët përfitues nga kjo komunë. Pajisjet e shpërndara përfshijnë multikultivatorë, makina mbjellëse për grurë dhe misër, spërkatëse, freza, ndërsa më herët fermerët kishin përfituar edhe serra bujqësore.

Me këtë rast, kryetari i Komunës së Malishevës, Ekrem Kastrati, ka uruar përfituesit dhe ka falënderuar Islamic Relief për bashkëpunimin. “Zhvillimi i bujqësisë dhe rritja e kapaciteteve prodhuese është një nga prioritetet tona, me synimin që tregu të furnizohet me produkte vendore dhe ushqimi në sofrat tona të vijë nga toka jonë. Përkrahja e sektorit bujqësor do të vazhdojë, pasi është njëra nga degët më të rëndësishme të zhvillimit ekonomik të komunës sonë,” tha kryetari Kastrati.

Drejtoresha e programit në Islamic Relief Kosovë, Albulena Gashi, përgëzoi fermerët përfitues dhe falënderoi Komunën e Malishevës për bashkëpunimin. “Jemi të vetëdijshëm që nevojat janë më të mëdha se kaq, prandaj angazhimi ynë në përkrahje të bujqësisë do të vazhdojë edhe në të ardhmen,” u shpreh ajo.

Ndërkohë, drejtori i Drejtorisë për Bujqësi në Komunën e Malishevës, Sylë Dukolli, bëri të ditur se nga ky program kanë përfituar gjithsej: 58 serra me sipërfaqe 50 m², 15 serra me sipërfaqe 100 m², 50 multikultivatorë, 25 spërkatëse, 15 makina për mbjelljen e misrit, 13 makina për mbjelljen e grurit dhe 27 freza.

Dukolli shprehu mirënjohje për bashkëpunimin dhe punën e palodhur të zyrtarëve të Islamic Relief dhe zyrtarëve të Drejtorisë Komunale për Bujqësi.

Kontrolloni gjithashtu

Ka nisur projekti i ndërtimit të rrjetit të kanalizimit në zonën urbane të Deçanit

Të hënën në Deçan ka nisur projekti thelbësor për zhvillimin e qytetit, siç është ndërtimi …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara